Dentes de Essile

2009-03-07T09:47:00.004Z

Petzi a pustis chi s'ùrtima arbule at a èssere segada

Petzi a pustis chi s'ùrtimu pische at a èssere piscadu

Petzi a pustis chi s'ùrtimu riu at a èssere avvelenadu

Petzi tando amus a ischire

chi su dinari

non si podet manigare

Profetzia de sos Cree

Bèndidu t'as su campu fioridu

2009-02-06T12:14:00.002Z

Dedicada a Efisio Trincas de su Partidu Sardu de Atzione chi at regaladu sa bandera de sos 4 moros a su re de Italia S. Berlusconi

1.
Bèndidu t'as su campu fioridu
Pro ti leare vanas violeras,
Torradiche a su buscu si ti seras
A ue as su pecadu commitidu.

2.
Bèndidu t'as ogni prètziu famosu,
Bene podes discurrer chi ses una,
Nàschida senza benes de fortuna
Fiza de unu babbu bisonzosu,
Cuddu bene chi aias pretziosu
Como l'as a ruina e isputzidu.

3.
Como etotu l'as fatu a ruina
Ch'àtera cosa nòbile non tenes,
Mancari chi conchistes milli benes
De sa menzus richesa ses meschina,
Vana, capriciosa, libertina,
Giughes unu caratere imprimidu.

4.
Giughes unu caratere in su fronte
Declarende sa tua disaura,
Pro non lu leger d'ogni criatura
T’esseres assolada in d’unu monte,
Pro ch'est giaru che sole in s'orizonte
Su tou disastru in breve sutzedidu.

5.
In su peus disastru che ruesti,
Su difetu s’est bidu meritàbile,
Como l'at fatu pius annotàbile
Cuddu viagiu longu chi fatesti
Pro su cale una pena nde tenzesti
Chi a estremos de morte ti hat batidu.

6.
A estremos de morte giutu t'at(a),
Mira chi cussa pena est malu crancu;
Cuada ti s'esseras a su mancu;
A su male e addite ses torrada?
Timo chi non che colet cust'annada
Senza torrare a su matessi nidu.

7.
A su nidu bi torras a piatzu
Si non lassas sa brulla ei su giogu,
Iscrie chi t'apparìtzent su logu
No siat chi b'incontres imbaratzu
E torras a li dare carchi abratzu
Ai cuddos chi tenes in confidu.

8.
In cunfidu e in giaru ti so nende
Befes cantu ti oferit sa natura,
Tue che cando esseras neta e pura
Tantas prendas de oro comporende,
Ma si tenes giudìtziu cumprende
Chi a tie non t'est nudda permittidu.

9.
A tie non ti deghent arracadas
A las giughere a pompa sona sona,
Postu ti nd’ant in manos una bona
De cuddas pius bellas e incrastadas,
Cun duas pedras tundas apicadas
Cun sa punta crudele che ispidu.

10.
Su giustu, non ti parzat ordivinzu.
Cunsidera chi sunt bonos fìnes,
Su chi podes ispendere in machines
Fàgheli a babbu tou unu cosinzu,
Ca si proet e faghet ludrinzu
In domo lu tenides istasidu.

11.
A su consizu meu atende e mira
Penso pro babbu tou, macca e vana,
Tue cun arraccadas e collana
Babbu tou sas solas tira tira,
Lu giuro chi non balet una lira
Cantu subra tue giughes bestidu.

12.
Pro cale sa idda est testimonza
De cantas befes chi a tie imploro;
Comporadu as un'aguza de oro
Senza sentire nissuna 'irgonza
Pro chi manna giughias sa conconza
Cantu cussa ch'infine t'han fichidu.

13.
Si poderes tesoros comporare
A su chi fìsti non bi torras cras,
Totu su bene tou dadu l'as
Non lu torras pius a conchistare;
Antzis pius prestu as a torrare
A su male chi totu t'an sentidu.

14.
In te non b'at pius presuntzione
Non ti meritas pius sentimentu,
Cari manna si seru aeras tentu
T'aias comporadu unu cuzone,
E ti fisti assolada che murone
Pianghende su bene chi as perdidu.

15.
Pro finis ecco giaros sos motivos
De cantas befes mèritana a tie,
Còmpora cantu cheres note e die
Arracadas, collanas e azivos,
Ma pensa chi dai ora tenes brivos
Sos raios de su prètziu candidu.

Merchioro Murenu (Macumere 1803 - 1854 )

Sa Cantone de Aengus su Vagabundu

2009-02-04T12:07:00.006Z

Tando so bessidu a su buscu de nùtzola,

Ca unu fogu fit intro de sa conca mia,

E apo segadu una camba e l’apo iscorzolada,

E a unu filu apo agantzadu una mura;

E cando mariposas biancas sunt bènnidas a bolu,

E istellas che mariposas fint a lampalughe,

Apo lampadu sa mura in sa currente

E apo tentu una trota minore de prata.

A pustis de che l’àere posta in terra

So andadu a sulare su fogu morinde,

Ma carchi cosa at fatu istrimuzu,

E calicunu m’at mutidu cun su numene meu:

Fit diventada una pisedda de lughe

Fiores de mela in sos pilos

M’at mutidu cun su numene meu e est’isparida

In s’aera lughente.

So imbetzadu camminande

Peri sos montes e sas baddes,

Ma apo a ischire a ue est andada,

E l’apo a basare in sas lavras e l’apo a leare sas manos;

E amus a passizare in s’erba arta pintirinada,

E amus a boddire finas a sa fine de sos tempos

Sas melas de prata de sa luna,

Sas melas de oro de su sole.

William Butler Yeats (Dublin, 1865- Roquebrune-Cap-Martin, 1939)

Isula Misteriosa

2007-06-06T14:42:00.001Z

S'Isula est misteriosa.
Pro chie ìschit abbaidare
pro chie no si acuntentat de sas aparèntzias
pro chie no si frimat a sas cartulinas
pro chie ischit ascurtare sas notes oscurosas
B'at cosas chi si movent silentziosas
in sos litos de sos montes
in sas paules neulosas de sas bassuras
in sas calancas, in sos trèmenes,
in sas andàinas chi non leant a neddue,
in sas carrelas de istiu, ingruiadas dae su sole
in foras de sas domos de sos umanos
b'at cosas chi chircant
sena pasu
isetant

Sa Surbentile o Surbile

2007-06-06T14:30:00.000Z

Est una femina vampiru. Cumparit in formas diferentes. B'at chie narat chi est mesu femina e mesu colora. mesu femina e mesu gatu o mesu aranzolu. A onzi modu est una vampira. Sas vitimas preferidas sunt sos pitzinneddos minores. A de notte intrat a s'istantzia issoro dae su percolu de sa crae e, si sunt sena tentu, lis sutzat su sambene e los lassat mortos. S'unica manera pro difendere sas criaturas est de appiccare a su brassolu una farche ismarratzada. Sa surbile cando la bidet non podet faghere a mancu de si firmare a contare sas dentes de sa farche. Sigomente ischit contare fintzas a noe ebbia, cando lompet a noe torrat a incomintzare dae s'urtimu e gai li sighit totu sa note. Sa surbile est una vampira e no agguantat sa lughe de sa die, duncas cando e abreschet si devet fùere.

Su Mastringannu de sette berritas

2007-06-06T14:29:00.001Z

Est un' omineddu minore minore, artu pagos tzentìmetros, chi giùghede in conca sette berritas rugias cun campaneddas. Est meda brullanu e li piaghet meda a leare in giru sos umanos. Est issu chi si divertit a cuare su marteddu a su mastru de linna, s'iscobulu a sa massaia, sa marrita a su bingiateri. A bois puru at a essere capitadu de lassare una cosa in unu zassu e de no l'agatare prus in logu. Est su mastringannu. A pustis de mes'ora de chirca mancari, torrades a abbaidare e la torrades a agatare in su primu zassu chi l'aiazis posta . Est de su mastringannu sa boghe chi bos mutit in dies de neula, chirchende de bon-che faghere perdere su caminu. Su mastringannu si divertit meda a tritzare sas giuas de sos caddos e finas a assustare su bestiamene in sas notes chena luna. B'at pastores chi l'ant bidu a caddu de una berbeghe currende e trubende su fiotu de sa roba. Si bos capitat de andare peri sos buscos dade cara si intendides boghes chi essint dae sas matas, cambiade caminu, su mastringannu est in chirca e si li ponides fatu non ais a torrare a domo pro chena.

Sa mamma de su Sole

2007-06-06T14:27:00.001Z

Paret una femina arta cun su sole a su postu de sa cara. Sos bestires non si distinghent bene ca su lugore de sa cara illuniat sos chi la bident. Issa bessit a sa punta de su sole, in istiu, cando bi sunt sas cardanas e a giru no s'agatant mancu sas tzilighertas. Issa preferit a tennere sos pitzinnos chi si atrivint a bessire, pro cussu sos babbos e sas mammas no cherent chi sos figios andent a logu a cussas oras. Est meggius a no bessire ca la podides intoppare e bo-nche podet leare.

Gianas

2007-06-06T13:41:00.000Z

Sas gianas sunt de diversas genias, sas prus connotas sunt minudas minudas bestidas cun unu bestire ruiu, bellas che frore. In conca tenet unu mucadore totu froridu chi lis arrivat a mesu ischina. Issas vivent in sas domus de gianas in ue nachi b'at posidos cuados. A de die dormint e a de note filant cun fusos de oro. Sas gianas sunt timidas e rispetadas ca si si arrennegant diventant malas a beru e podent ghetare maghias terribiles. B' at biddas intreas chi nachi sunt istadas maleitas dae sas gianas in tempos antigos e ancora a dies de oe nde patint sas conseguentzias.

Sa Tzia Rosa

2007-05-21T15:17:00.000Z

Tzia Rosa Tzia Rosa

Babbu tou est in Bosa

Mamma tua est morinde

Tzia Rosa baedinde

Sa musica est unu limbagiu universale

2007-05-16T15:57:00.000Z

P. Fresu & P. Dalla Porta

Sa musica est unu limbagiu universale…
Cun notas iscritas in su pentagramma
musicistas istrangios si cumprendent a pare.
Sas notas las tenimus,
sunt uguales pro totus
sunt cussas de sa Limba Sarda Comuna…
…las devimus solu ponnere in su pentagramma
Tenimus sa possibilidade de iscriere totus sos atos publicos in
Limba Sarda Comuna

Faedda sa limba tua
e
iscrie sa limba nostra

Austinu, Antonella e Juanna

Traduidore Traitore

2007-05-15T15:16:00.000Z

In sos documentos de su Conciliu Vaticanu II Sacrosanctum Concilium, in su paragrafu 36, b'at una parte subra de s'usu de su latinu comente limba litùrgica. Su paràgrafu est iscritu in latinu chi est, paris cun s'italianu, sa limba ufitziale de su Vaticanu. Su testu si podet agatare finas traduidu in àteras limbas comente ispagnolu, portughesu, inglesu, catalanu e fintzas italianu..
Su testu nos narat chi sa limba latina devet èssere cunservada in sa liturgia. Sigomente però sas limbas indìgenas podent èssere ùtiles pro su pòpulu cando est preghende, si cuntzedit s'usu issoro, cun carchi lìmite. Ma no est custu chi mi interessat inoghe. Su fatu est chi su testu originale, in latinu, faeddat de limbas "vernaculae", chi cheret nàrrere indìgenas, nadias. In totus sas àteras tradutziones, francu una, custu sensu est rispetadu: sos tradutores in portughesu, ispagnolu e catalanu ponent "vulgare" e s'inglesu ponet limba madre. S'italianu imbetzes nono. S'italianu iscriet limba natzionale. Sa diferèntzia intre limba indigena e limba natzionale est manna meda. Diat chèrrere nàrrere chi in Italia,in sa liturgia catòlica, si podet impreare petzi latinu e italianu. E sas àteras limbas? Sas limbas minoritàrias?
Pro su traduidore traitore no esistint..
De sighidu podides leghere totus sas versiones, s'urtima, in sardu est sa mia...

Documenti del Concilio Vaticano II
Costituzioni
Sacrusanctum Concilium

36. §1. Linguae latinae usus, salvo particulari iure, in Ritibus latinis servetur. (Latino)
§2. Cum tamen, sive in Missa, sive in Sacramentorum administratione, sive in aliis Liturgiae partibus, haud raro linguae vernaculae usurpatio valde utilis apud populum exsistere possit, amplior locus ipsi tribui valeat, imprimis autem in lectionibus et admonitionibus, in nonnullis orationibus et cantibus, iuxta normas quae de hac re in sequentibus capitibus singillatim statuuntur.

§3. Huiusmodi normis servatis, est competentis auctoritatis ecclesiasticae territorialis, de qua in art. 22 § 2, etiam, si casus ferat, consilio habito cum Episcopis finitimarum regionum eiusdem linguae, de usu et modo linguae vernaculae statuere, actis ab Apostolica Sede probatis seu confirmatis.

§4. Conversio textus latini in linguam vernaculam in Liturgia adhibenda, a competenti auctoritate ecclesiastica territoriali, de qua supra, approbari debet.

36. A língua litúrgica: traduções (Portoghese)

1. Deve conservar-se o uso do latim nos ritos latinos, salvo o direito particular.

2. Dado, porém, que não raramente o uso da língua vulgar pode revestir-se de grande utilidade para o povo, quer na administração dos sacramentos, quer em outras partes da Liturgia, poderá conceder-se à língua vernácula lugar mais amplo, especialmente nas leituras e admonições, em algumas orações e cantos, segundo as normas estabelecidas para cada caso nos capítulos seguintes.

3. Observando estas normas, pertence à competente autoridade eclesiástica territorial, a que se refere o artigo 22.2, consultados, se for o caso, os Bispos das regiões limítrofes da mesma língua, decidir acerca do uso e extensão da língua vernácula. Tais decisões deverão ser aprovadas ou confirmadas pela Sé Apostólica.

4. A tradução do texto latino em língua vulgar para uso na Liturgia, deve ser aprovada pela autoridade eclesiástica territorial competente, acima mencionada.

D. Normas para a adaptação da Liturgia à índole e tradições dos povos

36. Llengua litúrgica (Catalano)

Es conservarà l’ús de la llengua llatina en els ritus llatins, excepte dret particular.
No obstant això, com l’ús de la llengua vulgar és molt útil per al poble en no poques ocasions, tant en la Missa com en l’administració dels Sagraments i en altres parts de la Litúrgia, se li podrà donar una major cabuda, especialment, en les lectures i admonicions, en algunes oracions i cants, conforme a les normes que sobre aquesta matèria s’estableixin en cada cas en els capítols següents.
El compliment d’aquestes normes, serà d'incumbència de la competent autoritat eclesiàstica territorial, de la qual es parla en l’article 22,2, determinar si ha d’utilitzar-se la llengua vernacla i en quina extensió; si fes menester es consultarà els Bisbes de les regions limítrofes de la mateixa llengua. Aquestes decisions han de ser acceptades, és a dir confirmades per la Seu Apostòlica.
La traducció del text llatí a llengua vernacla, que ha d’usar-se en la Litúrgia, ha de ser aprovada per la competent autoritat eclesiàstica territorial abans esmentada.

Lengua litúrgica (Castellano)
36. § 1. Se conservará el uso de la lengua latina en los ritos latinos, salvo derecho particular.
§ 2. Sin embargo, como el uso de la lengua vulgar es muy útil para el pueblo en no pocas ocasiones, tanto en la Misa como en la administración de los Sacramentos y en otras partes de la Liturgia, se le podrá dar mayor cabida, ante todo, enlas lecturas y moniciones, en algunas oraciones y cantos, conforme a las normas que acerca de esta materia se establecen para cada caso en los capítulos siguientes.
§ 3. Supuesto el cumplimiento de estas normas, será de incumbencia de la competente autoridad eclesiástica territorial, de la que se habla en el artículo 22, 2, determinar si ha de usarse la lengua vernácula y en qué extensión; si hiciera falta se consultará a los Obispos de las regiones limítrofes de la misma lengua. Estas decisiones tienen que ser aceptadas, es decir, confirmadas por la Sede Apostólica.
§ 4. La traducción del texto latino a la lengua vernácula, que ha de usarse en la Liturgia, debe ser aprobada por la competente autoridad eclesiástica territorial antes mencionada.

36. 1. Particular law remaining in force, the use of the Latin language is to be preserved in the Latin rites. (Inglese)
2. But since the use of the mother tongue, whether in the Mass, the administration of the sacraments, or other parts of the liturgy, frequently may be of great advantage to the people, the limits of its employment may be extended. This will apply in the first place to the readings and directives, and to some of the prayers and chants, according to the regulations on this matter to be laid down separately in subsequent chapters.

3. These norms being observed, it is for the competent territorial ecclesiastical authority mentioned in Art. 22, 2, to decide whether, and to what extent, the vernacular language is to be used; their decrees are to be approved, that is, confirmed, by the Apostolic See. And, whenever it seems to be called for, this authority is to consult with bishops of neighboring regions which have the same language.

4. Translations from the Latin text into the mother tongue intended for use in the liturgy must be approved by the competent territorial ecclesiastical authority mentioned above.

36. Latino e lingue nazionali nella liturgia (Italiano)
L'uso della lingua latina, salvo diritti particolari, sia conservato nei riti latini.
Dato però che, sia nella messa che nell'amministrazione dei sacramenti, sia in altre parti della liturgia, non di rado l'uso della lingua nazionale può riuscire di grande utilità per il popolo, si conceda alla lingua nazionale una parte più ampia, specialmente nelle letture e nelle ammonizioni, in alcune preghiere e canti, secondo le norme fissate per i singoli casi nei capitoli seguenti.
In base a queste norme, spetta alla competente autorità ecclesiastica territoriale, di cui all'art. 22- 2 (consultati anche, se è il caso, i vescovi delle regioni limitrofe della stessa lingua) decidere circa l'ammissione e l'estensione della lingua nazionale. Tali decisioni devono essere approvate ossia confermate dalla Sede apostolica.
La traduzione del testo latino in lingua nazionale da usarsi nella liturgia deve essere approvata dalla competente autorità ecclesiastica territoriale di cui sopra.

Limba liturgica (Sardu)
36. §1. S' at a cunservare s'usu de sa limba latina in sos ritos latinos, fora siat leges particulares.

§2. Sigomente s'usu de sa limba madre est utile meda pro sa gente in diferentes ocasiones, siat in sa missa, siat in s'aministratzione de sos sacramentos o in ateras partes de sa liturgia, si li podet dare ispàtziu prus mannu, mescamente in sas leturas e amonitziones, calicuna de sas oratziones e de sos cantos, cunforma a sas normas istabilidas subra de custa materia pro cada casu in sos capìtulos sighentes.

§.3. Su rispetu de custas normas est de cumpetèntzia de sa autoridade eclesiàstica locale, mentovada in s'articulu 22, 2, chi at a detzìdere subra de sa manera e de s'impreu de sa limba madre, in casu manchet s'ant a consultare sos piscamos de sas zonas a lacana chi faeddant sa matessi limba.Custas detzisiones depent essere atzetadas e cunfirmadas dae sa Sede Apostòlica.

§4. Sa tradutzione de su testu latinu in sa limba madre, de usare in sa liturgia, depet essere aprovada dae s'autoridade eclesiastica cumpetente mentovada in antis.

2007-04-20T15:46:00.000Z

Make your own Razz!

Nuraghes

2007-04-20T14:16:00.000Z

Istella Lakota

2007-04-20T13:59:00.000Z

Orminas de essile in su nie

2007-04-19T16:46:00.000Z

Su essile non si faghet bidere...

Bene Bennidos

2007-04-19T16:19:00.000Z

Custu est su blog de dentes de essile, pro assannighinare sas dies mortas e currere silentziosos in sas nottes oscurosas..